( بتولد من جديد )

حبيتك اه...بس مارتحتش

و قلت هافرح...لكني مافرحتش

حلمت بيك مالك لقلبي

ناديت عليك فارس لحبي

و فضلت ماده اليك ايديا

و بقلبي شايفه عينيك عليا

كنت باغرق في حبي ليك

و اترجي قلبك يحكم عليك

لكن لاقيته مالوش وجود

بايدك لغيته و جعلتله حدود

يحب ماشي و يناجي حبه

لكن بعقلك تملي حاكمه

عايزه اقولك انا منك اتعلمت

علي اد ما بجرحك تعبت و اتألمت

علي اد ما خلاص فهمت و استسلمت

مش هستني تاني اني ابقي ليك

فهمت منك كلام عنيك

قالتلي سامحي يا حته مني

هابعد و اسيبك ده غصب عني

ابعد خلاص و انا ليك مسامحه

و حقيقي راضيه و بفراقنا سامحه

هنساك كأني بتولد من جديد

لا في يوم قابلتك ولا حتي شفتك من بعيد

و اتمني اني ... ابدا حياتي بيوم سعيد

^_^ لست ادري حبيبي ^_^

لست ادري حبيبي

امن هواك حقا برئت

احقا اعدت لي قلبي و رحلت

ام اني فقط لعذابك استسلمت

اذاك قلبي الذي اضناه اليك الحنين

اذاك قلبي الذي علا صوته بالانين

مالي اراه الان يهدأ و يستكين

لست ادري حبيبي

اهي راحة الشفاء منك

ام انها راحه الموت علي يديك

ان كانت حبيبي راحة الشفاء

فمرحبا بها بعد طول الشقاء

بعد عشق... بعد شوق... لم اجد له دواء

بعد هيام ... بعد غرام ... كأنه كان ابتلاء

لست ادري حبيبي

و ان كانت تلك راحة الموت

فبعد الموت لن يعد يعنيني ان عني تخليت

لن يؤلمني بعد الان ان عذبتني او قسوت

لن تبكي عيناي الان .. غبت عنها حبيبي او حضرت

لن ترتجف قدماي كلما اليك نظرت

لن تخرج من صدري تنهيده طالما بها اكتويت

لست ادري حبيبي

و اما ان كان هذا لعذابك استسلام

فهلا برفع رايته ابدا و من الان

فمن يستسلم قد انهكت قواه من بعد حبيبه الاحزان

من يستسلم لا ينظر ابدا للامام

و لا يري عجبا لقسوه السجان

لا يبغي هروب و لا يعنيه في سجنه وحدة و لا حرمان

ليتني حقا ... ادري حبيبي

حبيبتي ال ......... 128

 

حبيبتي يا اجمل 128
يا اغلي عندي من البورش و الليموزين
حمرا يا ناس و بخط عالجنب اسمر و تخين
لون فوانيسك اجمل لون بتشوفه العين
اصفر و منور كده عالجنبين
لوحك بنمر ممسوحه بس بشوفهم اجمل لوحتين
علشان خاطرك اي واحده بشوفها شبهك بتخطف قلبي في دقيقتين

ايوه بحبك اصل انا منك بعرف صاحبك رايح فين
كل ماعدي عليكي بسلم و المس بابك اللي بتقفله اغلي ايدين
دانا وياكي بقدر اقرب من غير لخلخه في الرجلين
و احكي معاكي عليه و بقولك انتي يا بختك عمره ما سابك حتي يومين

لكن تو ما صاحبك ييجي بنسي حتي انا رايحه لفين
بصي يا ستي اظبطي عجلك و امسكي نفسك خليكي فاكره انه سايقك نور العين
عارفه ان يوم قليتي باصلك مش هيكفيني بيعك خرده في سوق لتنين

يلا هسيبك قبل ما ييجي و انسي يا ستي انا بيتنا منين

\\\ عمايل الحب ///

يخرب بيت الحب يا ناس

خلي دماغي بقي محتاس
 

يدخل كده زي المتراس

و لا عارفينله اي اساس

خلاني اشوف الموز اناناس

حتي القهوه بخدها في كاس

قلبي معاه مقفول ترباس

مايدشوش و لا خبطه فاس

في يوم شميت انا ريحه جميله

قمت سرحت في اجمل سيره

فقت اوام علي ماما بتصرخ

قومي يا بنتي في ريحه غاز


^
^
^
^
^
يخرب بيت الحب يا ناس

~~~~ موت قلب ~~~~

اه يا قلبي هتقدر ازاي عالفراق
اه يا قلبي هيبقي جلادك في بعده الوحده و الاشواق
كدبت عليا خدعتني
ياما قولتلي ده قلبه ليكي من العشاق
كان ليه بقربه وعدتني
كان ليه بوصاله عشمتني
و بايدك انتي ........ دبحتني




شوفي حالي قبل ما تتكلمي
مش شايفه دمي
سايل بجرحي
يمكن جرحتك عشان جرحني
يمكن خدعتك عشان خدعني
سيبيني اموت
مش عايز اعيش
لو عشت تاني
هاتدوقي حزني مع كل نقطه دم مني
مقدرش اعيش من غير هواه
مش هلقي نفسي الا معاه
لو عايزه تاني انك تتجرحي
يبقي اسيبك تداوي جرحي
هيشفي جرحي و ارجعله تاني
في ايده وحده عنواني و مكاني
مهما كنت معاه بعاني
عيشي حياتك من غير غبائي
اكرم لي اموت بكبريائي
نزفت بجرحه و مرضت بيه
و صعب الاقي منه شفائي

*_* بحبك *_*

بحبك

و معني الحب عندي هو حروف اسمك

ايوه .... انا بحبك

حتي لو عمري ما هاكون في يوم جنبك

طب قولي انا ممكن اعمل ايه

حتي النسيان مقدرتش يوم عليه

عارفه ان ليا رب وعدني بالاجابه

رب سميع مجيب ما يرد ايد غلابه

بادعيه و اقوله دايما

يا رب اجعلني ليه

و ان ما كنش في زواجنا خيري

خليني ازهد فيه

عالحال ده بقالي مده

و الدنيا عليا شاده

مش عارفه بيها ارضي

و الحل بس ايه

هارضي بنصيبي و اصبر

و لربي لازم اشكر

لكني هفضل ادعي

يا رب ما تبعدوش عني

و بفضلك اقبل مني

احميه يا رب دايما

اصله دا غالي عندي

و هفرح يا نور عينيا

لو عشت بدعايا متهني

عشان انتي اغلي مني

محتاجه ليك

عشت عمري بحلم الاقي حب عمري
حب اعوض بيه اللي فاتني و يشاركني كل امري
و يوم ما شوفتك ما كانش حب....... دا كان لقا
لقا حب عمري اللي عشته من كام سنه

تفتكر بعد اما شوفتك
يوم ما اقول محتاجه منك هحتاج لايه
محتاجه اعيش عمري اللي فات في بعدي عنك من غير ما حتي تحس بيه
محتاجه قلبي يعرف انك بتعشقه و تخاف عليه
محتاجه اقولك اعترف بحبي و ما تكدبش
مش هاصدق لو قلت انك معرفتنيش
مش هاصدق لو قلتلي ما بحبكيش
محتاجه بيك اقوي ضعفي
مشتاقه بيك يفارقني خوفي
كتير بخاف لو حد غيرك بص لي
ببقي عايزه ايدك بسرعه تضمني
تحميني منهم في حضنك و تقولي اطمني
عايزه احس انك مقدر يعني ايه محتاجه ليك
و محتاجه اكتر اني اطمن عليك
تعرف بيجري ايه لو بس نظره حزن لاقيتها في عينيك
بيبقي هيطير عقلي مني و انا مش عارفه اللي فيك
حاسه انه حقي بس وحدي ان انا اللي اهتم بيك
اني اشيل عنك همومك و لدمعتك ايدي تسبق ايديك
محتاجه ليك عشان حقيقي بخاف عليك
زي خوف الام لو ابنها سابها و غاب عن حضنها...... بيبقي خوفي و قلقي و شوقي ليك

و بعد اللي قلته
لسه تاني هتسيبني اقول محتاجه ليك ؟

طاقيه الاخفي

واحد وحشني و اعمله ايه

نفسي يا ناس اطمن عليه

لو ينفع بس القي طاقيه الاخفي

عشان البسها و عن عيونه اخفي

ساعتها بس هينفع امشي وراه

و في كل حته يروحها هبقي معاه

تشبع عينيه من عشقها لرؤياه

و اطرب وداني بصوت كتير بهواه

و اعرف اخيرا بيقول عليا ايه

لو حد جاب سيرتي وياه

كلمه بحبك قالتها بس عينيه

لكن كلامه بخلان عليا بيه

يا سلام بقي لو نطقها لسانه

هشيل الطاقيه و يلاقيني قدامه

هتبقي حتة خضه قويه

يستاهل دا ياما عمل المفتري فيا

لو حد بس يقولي فين ألقي الطاقيه ديا !!

^-^ يا من ^-^

يا من لعينك نظمت اشعاري

يا من بسببك بدلت افكاري

يا من بحبك بحت بكل اسراري

الي متي البعاد ؟

فبعدي عنك يحرقني كالنار

تقسو و ليس لمثلك القسوه

بها يتحلي كل جبار

و انت للود عنوان

قلبي جعلتك لبستانه الراعي

فكيف للزهر ان يحيا اذا حرمه الراوي

جد بالوصل يا عشقا

ذرفت لبعده الدمع ليلي و نهاري

اما اكتفيت....؟

هل هناك من هي اكثر مني جنونا

هل هناك عقل اكثر من عقلي غباءا

أحيا و لا اتعلم ما حييت

احب و لا اجد الا جفاءَ

فألجأ لقلم وهين

ينعي حظ صاحبته كلمات جوفاءَ

مالها الدنيا و مالي

اما كفاها ذبول عيني بكاءَ

اما رضاها عمري الماضي شقاءَ

اترفضني هي

ام انا من ارفضها

فلم اجد بيننا يوما وفاقا

احاول دوما ان ارضي بها

فمالها تكيل لي ما لا يطاقَ

ايا دنيا

كفاني حقا العيش فوق ارضك

فما اريد الان الا ان يواريني الترابَ