حاسه اني داخله جوه نفق مظلم
مرعوبه ، خايفه ، بقي كل شيئ مؤلم
معدتش شايفه خلاص انا رايحه فين
تايهه ، وحيده ، معصوبه العين
يا رب اجعلي في الضلمه دي نور
خليني في الدنيا اعيش مستور
ده كل واحد فينا اصبح في حاله و بس
معدش في حب بين الناس بيتحس
حتي المعروف كان زمان بيتشال علي الراس
دلوقت صاحب المعروف بقي خلاص بينداس
لو كان يا ربي مايغضبكش ان عمري انهيه
كان من زمان نهيته قبل العذاب ما اعانيه
لكن ارجع و اقول محدش منا عارف خيره فين
يرزقنا بس الصبر رب العالمين
علي الطاغي و الظالم و كل لئيم
لحد ما نقابل وجه رب كريم
