بحبك...... تتجوزيني

بحبك..............تتجوزيني



يااااااااااااااااااااااااااه

ايوه اخيرا قالها حبيبي
قالها و عوض صبر سنيني
بص في عيني و قالي قوليلي
هو حنينك زي حنيني
ردي حتي بكلمه عليا
قولي انك بتحبيني


ما كنتش عارفه ارد بكلمه
كات شغلاني بجد مقاومه
رجلي قالتلي خلاص مش قادره
حضن حبيبك يشيلك اولي
لأ مش وقته الله يخليكي
اوعي حبيبي يحس بيكي
حتي عينيه غدرت بيا
فضلت تبكي و انا اقولها مش وقت بكيه
قلت ايديا خبي بسرعه دموع عينيا
لأ مش قادره مانتيش شايفه الرعشه اللي بيا
معدش فاضل الا لساني
رد يالا دا انت حصاني
بس هارد باي كلام !
هو غرامك اي غرام ؟

واحد بس قالي خلاص
ردك وصله و باخلاص
ياما كتير انا كنت بقولك
قلب حبيبك جواه شايلك
زعلتي مني و هاجمتيني
كان نفسي انك تصدقيني
ايوه يا قلبي خلاص صدقت
كل كلامك من دلوقت
شفت حبيبي باجمل بسمه
خبي بايده دمعه فرحه
قلبه قاله اني وافقت